Túrkııada azot fabrıkasynda qýatty jarylys boldy

ANKARA. QazAqparat - Túrkııanyń Kýtahııa provıntsııasyndaǵy azot fabrıkasynda jarylys boldy, dep habarlaıdy QazAqparat Anadoly agenttigine silteme jasap.

Qýatty jarylys Kýtahııa-Eskishehır tasjolynyń 7-shi shaqyrymynda ornalasqan azot fabrıkasynda boldy. Jarylystyń kúshtiligi sondaı, onyń daýsy qalanyń birneshe núktesine deıin estilgen. Óndiris ornynyń tóbesinen sary tútin kóringen.

Aldyn ala málimet boıynsha, zardap shekkender joq. Bul týraly Kýtahııanyń gýbernatory Ómer Toraman aıtty.

Oqıǵa ornynda órt sóndirýshiler, medıtsına qyzmetkerleri men polıtseıler jumys istep jatyr.