Túrkııada 4,7 baldyq jer silkinisi boldy

KAISERI. QazAqparat – Túrkııada Saryz aýdany Kaıserı provıntsııasynda magnıtýdasy 4,7 baldyq jer silkindi, dep habarlaıdy QazAqparattyń menshikti tilshisi.

Túrkııa úkimetiniń tótenshe jaǵdaılardyń aldyn alý jáne joıý basqarmasynyń (AFAD) habarlaýynsha, jerasty dúmpýleri Ankara ýaqyty boıynsha saǵat 13:17-de 7,06 km tereńdikte tirkelgen.

Aýdanda jer silkinisiniń saldaryn anyqtaý úshin qalalyq kommýnaldyq qyzmetter men shuǵyl brıgadalar jumys istep jatyr.

Polıtsııa kóshelerdi kúzetýde, jedel medıtsınalyq kómek kúsheıtilgen rejımde kezekshilik etip jatyr.

Jer asty dúmpýi halyq arasynda dúrbeleń týdyrdy. Alaıda, qazirgi ýaqytta provıntsııadaǵy jaǵdaı tynysh.

AFAD málimetinshe, ǵımarattardyń qıraýy men zaqymdanýy týraly habarlanǵan joq.

Jer silkinisi saldarynan zardap shekkender joq. Qaza tapqandar týraly aqparat túspegen.