Túrkııa Sırııada «Beıbitshilik qaınary» áskerı operatsııasyn bastady

ANKARA. QazAqparat – Túrkııanyń qarýly kúshteri Sırııanyń Evfrat ózeniniń shyǵysynda ornalasqan aýdandarda terrorızmge qarsy «Beıbitshilik qaınary» operatsııasyna kiristi, dep habarlaıdy «QazAqparat» HAA Anadoly agenttigine silteme jasap.

Operatsııanyń bastalǵany týraly Túrkııa prezıdenti Rejep Taıyp Erdoǵan málimdedi.

Áskerı operatsııanyń maqsaty – Túrkııanyń ońtústik shekarasyndaǵy aımaqty baqylap otyrǵan lańkesterdi joıý, Sırııada beıbitshilik pen turaqtylyq ornatý.

«Beıbitshilik qaınary» operatsııasynyń arqasynda Sırııada «qaýipsiz aımaq» qurylyp, sırııalyq bosqyndar soǵan jiberiledi.