Túrkistandyq ónerpazdar Ankarada óner kórsetti

TÚRKІSTAN. QazAqparat - TÚRKSOI Halyqaralyq uıymynyń uıymdastyrýymen Túrkistan oblysynyń ónerpazdary Túrkııanyń Ankara qalasynda óner kórsetti. Mádenı sharada elimizge tanymal kompozıtorlardyń shyǵarmalary oryndalyp, qasıetti qara dombyramen dástúrli ánder shyrqaldy, dep habarlaıdy QazAqparat tilshisi oblystyq mádenıet basqarmasyna silteme jasap.

Anadoly elinde ótken merekelik sharada Túrkııa Prezıdentiniń bas keńesshisi ıAlchyn Topchý sóz sóılep, sheteldik qonaqtarǵa rızashylyǵyn bildirdi.

«Qazaq halqyna meshet túrikteri jáne jeke ózimniń atymnan myń da bir alǵys aıtamyn. Budan keıingi jyldarda shartarapta ómir súretin meshet túrikteri Qazaqstandaǵy 130 ult ókilimen qazaq halqyna alǵysyn aıtý úshin bas qosýyna tilektespin»,-dedi ıAlchyn Topchý.

Sharada sondaı-aq Qazaqstannyń Túrkııadaǵy Elshisi Abzal Saparbekuly da sóz sóılep, eki el arasyndaǵy tatýlyq jaıyn sóz etti.

«Qazirgi tańda Túrkııada 20 myńnan astam qandasymyz ómir súrip jatyr. 1930 jyldary kóshken otandastarymyz búginde eldiń áleýmettik, saıası jáne ekonomıkalyq ómirinde mańyzdy ról atqaryp otyr. Qazaq halqyna qamqor bola bilgen túrik halqyna alǵysym sheksiz»,-dedi Abzal Saparbekuly.