Túrkistanda «Turkestan hub IT» ortalyǵy ashyldy
Ashyq alańda IT salasyndaǵy kásipkerlerdiń, jas mamandardyń, ınvestorlardyń yntymaqtastyǵy úshin jaǵdaı jasalǵan. Munda qatysýshylar tájirıbe almasyp, ıdeıalardy iske asyra alady. «Jastar resýrstyq ortalyǵynyń» ǵımaratynda ornalasqan alańǵa elimizge tanymal ІT salasynyń ókilderi joǵary baǵa berip otyr. 
Ortalyqta sondaı-aq, «ІT park» jas baǵdarlamashylar mektebi ashyldy. Onda túrkistandyq jastardy osy salaǵa beıimdep, olardyń tsıfrlyq saýattylyǵyn arttyrý kózdelgen. Mamandar daıarlaı otyryp, otandyq ІT ónimderi men jańa kompanııalar ashý qarastyrylyp otyr. Ári kez kelgen jas osynda kelip, ІT salasy boıynsha bilim alýyna jaǵdaı jasalǵan. Olar bilimderin jetildirip, jańa startap jobalary men tyń ıdeıalaryn usyna alady. ІT park mektebiniń shákirti atanýǵa 14 pen 29 jas aralyǵyndaǵy oblys jastarynyń múmkindigi bar.
Sonymen birge munda jastarǵa modeldeý, baǵdarlamalaý, smartfondarǵa arnalǵan mobıldik qosymshalardy iske qosý men saıt ashý jáne taǵy basqa jumystar boıynsha tájirıbelik sabaqtar usynylady. Tek oqytyp qana qoımaı, jobalar ázirlenip, kommertsııalandyrý jasalynady. Jastardyń jobalaryna ınvestorlar tartý arqyly óz kásibin ashýǵa múmkindik berilmek. Túrkistan bazasynda hab prototıpteý zerthanalary men otandyq IT-kompanııalardy zertteýge arnalǵan ortalyqtardy ornalastyrý kózdelip otyr. Bul qatysýshylarǵa prototıpterdi ázirleýge jáne ǵylymı-zertteý jumystarymen aınalysýǵa jol ashady.
Aldaǵy ýaqytta bul ortalyq elge paıdaly jobalardyń ustahanasyna aınalady degen senim bar.
