Turǵyn úıdi satyp alý-satý mámileleriniń sany 3,9% ósti
ASTANA. KAZINFORM – 2026 jylǵy naýryz aıynda turǵyn úıdi alyp-satý boıynsha 28 493 mámile tirkelgen, onyń ishinde jeke úıler boıynsha 5 951 jáne kóppáterli úılerdegi páterler boıynsha 22 542 mámile jasaldy. 2026 jylǵy aqpanmen salystyrǵanda (27 421) mámileler sany 3,9% ósti. Bul týraly Ulttyq statıstıka bıýrosy habarlady.
Mámileler sany boıynsha Almaty (6 428 – 22,6%) jáne Astana (4 924 – 17,3%) qalalary, sonymen qatar, Qaraǵandy oblysy (2 258 – 7,9%) kósh bastap tur. Mámileler sany Ulytaý oblysynda eń az – 208 mámile (0,7%) tirkelgen.
Aqpanmen salystyrǵanda naýryzda mámileler sanynyń ósýi Qyzylorda (+33,8%), Pavlodar (+26,7%) jáne Aqmola (+26,4%) oblystarynda tirkelgen. Eń kóp tómendeý Ulytaý oblysynda (-18,4%), Qostanaı oblysynda (-9,0%) jáne Astana (-6,1%) qalasynda tirkeldi.
2026 jyldyń aqpanmen salystyrǵanda, kóppáterli úılerdegi turǵyn úı mámileler sany 6,0% (1283 mámilege) ósti. 2026 jyldyń naýryz aıynda páterler boıynsha barlyǵy 22 542 mámile jasaldy, bul mámilelerdiń jalpy sanynyń 79,1%-y. Kóppáterli úılerdegi turǵyn úı saýdasynyń negizgi úlesi Almaty (26,3%), Astana (21,4%) qalalaryna jáne Qaraǵandy oblysyna (8,4%) tıesili. Bólmeler sany boıynsha 1-bólmeli páterler satylymy basym boldy, 2026 jyldyń naýryz aıynda olar boıynsha 8 510 mámile resimdelgen.
2026 jyldyń aqpanmen salystyrǵanda 2026 jyldyń naýryzda jeke turǵyn úıler boıynsha mámileler sany 3,4%-ǵa (211 mámilege) azaıdy. Naýryzda barlyǵy 5 951 mámile tirkelgen. Jeke turǵyn úıler boıynsha mámileler sanynyń ósýi Pavlodar (+22,9%), Aqmola (+15,7%) oblystarynda jáne Soltústik Qazaqstan (+12%) oblysynda tirkelgen. Jeke turǵyn úıler boıynsha mámileler sanynyń eń kóp tómendeýi Atyraý oblysynda (-24,8%), Almaty oblysynda (-13,9%) jáne Qaraǵandy oblysynda (-13,8%) tirkelgen.
2026 jylǵy naýryzda turǵyn úıdi satyp alý-satý mámileleri aldyńǵy jyldyń tıisti aıymen salystyrǵanda 2,7% ósti, ol kezde (27 739 mámile) resimdelgen bolatyn. Mámileler sanynyń eń joǵarǵy ósimi Aqmola oblysynda (29,7%) baıqalady, eń úlken tómendeý – Ulytaý oblysynda (-41,7%). 2026 jyldyń qańtar-naýryz aılaryndaǵy mámileler sanyn 2025 jylǵy qańtar-naýryz aılaryndaǵy mámileler sanymen salystyrǵanda 4,6%-ke tómendeý baıqalady.
Osyǵan deıin turǵyn úı ıesi qandaı jaǵdaıda jalǵa alýshyny baspanadan shyǵara alatynyn jazdyq.