Tuńǵysh Prezıdent kúni Ankarada atalyp ótti
Sharany QR Túrkııadaǵy Elshiligi jəne Eýrazııa memleketteriniń ekonomıkalyq qarym-qatynastary jónindegi «EkoEýrazııa» qaýymdastyǵynyń uıymdastyrdy.
Jıynǵa Túrkııa Uly Ulttyq məjilisiniń depýtattary, Túrkııanyń joǵary laýazymdy tulǵalary, zııaly qaýym ókilderi, bedeldi professorlar, ǵalymdar men sarapshylar, qazaqstandyq təlimgerler, BAQ jəne qazaq dıasporasynyń ókilderi qatysty.
Ashylý saltanatynda sóz sóılegen Qazaqstan Respýblıkasynyń Túrkııadaǵy Elshisi Abzal Saparbekuly 1 jeltoqsan kúni elimizde Qazaqstannyń Tuńǵysh Prezıdenti kúni atalyp ótetindigine oraı, təýelsizdikke qol jetkizgennen beri Elbasynyń bastamasymen elimizde júzege asyrylǵan mańyzdy ekonomıkalyq jəne əleýmettik reformalar, halyqaralyq saıası bastamalary men memleketimizdiń jetistikterin tilge tıek etti.
«Elbasy Nursultan Nazarbaevtyń esimi halqymyz úshin «elimiz», «týǵan jerimiz» jəne «Otanymyz» sózderimen qatar júredi. Túrkııa úshin M.K Atatúrik qanshalyqty mańyzdy tulǵa bolsa, N.Nazarbaev Qazaqstan úshin dəl sondaı mańyzǵa ıe», - dedi A.Saparbekuly.
Elshi «Elbasyn jaqsy túsiný úshin onyń balalyq jəne jastyq shaǵyna nazar aýdarý kerek», - dep, qarapaıym otbasynda dúnıege kelgen N.Nazarbaev erte jasynan qoǵamdyq ómirge belsene aralasa bastaǵanyn, onyń jastaıynan Otanynyń taǵdyrynyń janashyry bolǵanyn atap ótti.
A.Saparbekuly Memlekettiligimizdiń negizin qalaýshy Elbasy basqarǵan 30 jyldyń ishinde Qazaqstan əlemniń damyǵan 50 eliniń qataryna engenin, kedeıshilik deńgeıi 20 esege tómendep, eldiń ishki jalpy óniminiń 9 ese artqanyn atap ótti.
«Qazaqstan sovettik rejimde aýylsharýashylyq eli bolsa, endi óndiristik elge aınalyp, ekonomıkalyq, saıası jəne əleýmettik turaqtylyqty qamtamasyz etý arqyly post-keńestik aımaqtyń myqty ekonomıkasynyń birine aınaldy», - dedi A.Saparbekuly.
A.Saparbekuly ultymyzdyń ózindik tarıhyn qalyptastyrǵan, sondaı-aq Túrki ıntegratsııasynyń demberýshisi, qamqorshysy atalatyn Elbasynyń túrki memleketteri yntymaqtastyǵyndaǵy bastamalary týraly sóz etti.
Kapadokııa ýnıversıtetiniń rektory professor Hasan Álı Karasar da N.Nazarbaevtyń el basqarýyna kelgenniń alǵashqy kúnderinen bastap, «El tizginin qolǵa alǵannan beri qazirgi ýaqytqa deıingi Qazaqstan halqynyń jetistikterine búkil halyqaralyq qaýymdastyq kýə bolyp otyr», - dedi.
Qazaq eliniń qıly tarıhy týraly oı bólisken ǵalym Karasar jasandy asharshylyq saldarynan halyqtyń teń jartysy joıylyp, basqa bóligi jer aýdaryp, bosyp ketkenin ókinishpen eske saldy. Osy kezeńde elimiz mədenıeti men ədebıetin joǵaltýǵa derlik dýshar bolsa, kóp uzamaı Ekinshi dúnıejúzilik soǵysqa óz azamattaryn jiberýge məjbúr bolǵanyn aıtty. Ol osynaý qıynshylyqtarǵa tótep bergen qazaq halqy N.Nazarbaev sııaqty biregeı kóshbasshynyń basqarýy arqasynda halyqaralyq bedelge ıe bolýy maqtan tutarlyq jetistik ekendigin jetkizdi.
Ózindik ereksheligin saqtap qala bilgen halyqty odan əri ilgerileý jolyna jetelegen Nazarbaevtyń dúnıejúzindegi beıbitshilikti qamtamasyz etýdegi róli, onyń adamzat qaýipsizdigine qosqan úlesi qanshalyqty teńdessiz bolsa, túrki halqynyń qarym-qatynastaryn damytýdaǵy mańyzy sonshalyqty zor ekendigin atap ótti.
Іs-sharaǵa qatysqan bedeldi professorlar elderimiz arasyndaǵy jan-jaqty yntymaqtastyqty úılestirýdiń basty tetigine aınalǵan Túrki keńesin qurý bastamasyn Qazaqstannyń Tuńǵysh Prezıdenti N.Ə.Nazarbaevqa tıesili ekenin, Túrki keńesiniń Qurmetti Tóraǵasy mərtebesiniń tabystalǵany Elbasynyń atqarǵan eńbegine berilgen laıyqty baǵa ekenin baıandady.
Qatysýshylar biraýyzdan qazaqstandyqtar almaǵaıyp ótpeli kezeńniń barlyq qıyndyqtaryn jeńip, Elbasy N.Nazarbaev bastaǵan dara jolmen əlemdik sahnaǵa kóterilgenin rastady. Sondaı-aq Túrkııa Prezıdenti R.Erdoǵannyń túrki halqynyń aqsaqaly jəne strategııalyq seriktes retinde N.Nazarbaevty joǵary baǵalaıtynyn, al Qazaqstannyń jetistikteri barsha túrki halqynyń jetistigi ekeninin málim etti.
Akdenız ýnıversıtetiniń professor-oqytýshysy Shenol Kantarjynyń tóraǵalyǵymen «Azııanyń damý jolyndaǵy Nazarbaevtyń róli» jəne Kavkaz ýnıversıtetteri birlestiginiń tóraǵasy professor Ramazan Korkmazdyń tóraǵalyǵymen ótken «Mədenı bolmysqa oralý jəne Nazarbaev» atty sessııalar arqyly óz jalǵasyn tapty.
Sonymen qatar konferentsııa barysynda Muǵla Sytky Kochman ýnıversıtetiniń professory Serdar Iylmaz N.Nazarbaevtyń róli jóninde «Nazarbaevtyń Qazaqstany» atty kitabynyń jaryq kórgenin məlimdedi. Jalpy qatysýshylar dostyq atmosferada ótken konferentsııa eki memleket arasyndaǵy yntymaqtastyqty nyǵaıtýdyń taǵy bir quraly retinde septigin tıgizetin is-shara bolatynyn atap ótti.
