Nóser jaýynnan keıin Almaty áýejaıyndaǵy shatyrdan sý aqty
ALMATY. KAZINFORM – Almaty áýejaıynda shatyrdan sý aǵyp, nysannyń keı aımaqtaryn sý basty.
Oqıǵanyń beınejazbasyn jolaýshylar áleýmettik jelide jarııalady.
Almaty halyqaralyq áýejaıynyń baspasóz qyzmeti bul derekke qatysty túsinikteme berdi. Áýe aılaǵynyń resmı jaýabyna sáıkes, nóser jaýyn saldarynan T1 jáne T2 termınaldarynyń keıbir aımaqtarynda shatyrdan sý ketken.
– Atalǵan jaǵdaıdyń saldary 30 mınýt ishinde jedel túrde joıylyp, reısterdiń oryndalý kestesine áser etken joq. Qazirgi ýaqytta áýejaı shtattyq rejımde jumys istep tur. Mundaı jaǵdaılardyń sebebin anyqtaý jáne aldaǵy ýaqytta boldyrmaý maqsatynda ınfraqurylymǵa tekserý júrgizilip jatyr, - dep túsindirdi áýejaıdan.
Eske salaıyq, buǵan deıin Almaty áýejaıynda asfalt jabyny jańartylyp jatqanyn jazǵanbyz.
