Trump Media bıtkoın qoryna 2 mlrd dollar jınady
ASTANA. KAZINFORM – Trump Media and Technology Group bıtkoınder men soǵan baılanysty baǵaly qaǵazdar qoryna shamamen 2 mlrd dollar jınaqtalǵanyn málimdedi, dep habarlaıdy Kazinform menshikti tilshisi.
Kompanııanyń habarlaýynsha, bıtkoın aktıvteri qazirgi ýaqytta Trump Media jalpy ótimdi aktıvteriniń shamamen úshten ekisin qurap otyr, dep habarlaıdy CNBC.
Donald Tramptyń Nasdaq bırjasynda aktsııalary onyń DJT ınıtsıalymen saýdalanatyn kompanııadaǵy úlesi shamamen 2,3 mlrd dollar.
Forbes taldaýyna sáıkes, qazir krıptovalıýta prezıdent Tramp pen onyń otbasy baılyǵynyń basym bóligin qurap otyr.
Atap ótilgendeı, Tramp krıptovalıýtalyq jobalardan, sonyń ishinde World Liberty Financial ortalyqtandyrylmaǵan qarjy uıymynan jáne onyń ınaýgýratsııasynan nebári birneshe kún buryn shyǵarylǵan $ TRUMP mem-monetasynan mıllıondaǵan tabys tapty.
- Bul aktıvter kompanııamyzdyń qarjylyq erkindigin qamtamasyz etýge, bizdi qarjy mekemeleri tarapynan kemsitýshilikten qorǵaýǵa jáne biz Truth Social ekosferasyna engizýdi josparlap otyrǵan paıdaly tokenmen sınergııa jasaýǵa kómektesedi, - dep habarlady Trump Media bas dırektory Devın Nýnes.
Kompanııa sondaı-aq «bıtkoınmen baılanysty baǵaly qaǵazdarǵa optsıondar satyp alý strategııasyna» 300 mln dollar bólgenin málimdedi. Trump Media-nyń málimdeýinshe, ol bıtkoın satyp alýdy jalǵastyrýdy josparlap otyr.
Buǵan deıin Tramp medıasy bıtkoın satyp alýǵa 2,5 mlrd dollar jınaıtyny týraly jazǵan bolatynbyz.