Tramptyń ushaǵy Davosqa jete almaı keri qaıtty

ASTANA. KAZINFORM – «Bolmashy elektr aqaýy» prezıdenttik «Nómir birinshi bort» ushaǵyn Davoska ushqannan keıin bir saǵattan az ýaqyt ishinde keri buryp, Merılendke oralýǵa májbúr etti, dep habarlaıdy CBS News. 

Aq úıdiń baspasóz hatshysy Kerolaın Lıvıtt ushaq bortynda bolǵan tilshilerge Endrıýs birlesken bazasynan ushyp shyqqannan keıin ekıpaj «bolmashy elektr aqaýyn» anyqtaǵanyn jáne saqtyq sharasy retinde ushaqty keri buryp, bazaǵa oralýdy sheshkenin habarlady.

Air Force One ushaǵy bazaǵa shyǵys ýaqytymen saǵat 23:07-de qondy.

Tilshilerdiń aıtýynsha, ushyp shyqqannan keıin baspasózge arnalǵan kabınadaǵy shamdar qysqa ýaqytqa sónip qalǵan, biraq eshqandaı túsinikteme berilgen joq.

Sodan keıin prezıdent ádette ishki saparlar úshin paıdalanatyn AQSh áskerı-áýe kúshteriniń jańa C-32 ushaǵyna (modıfıkatsııalanǵan Boeing 757) otyrdy.

Donald Tramp Davosqa Dúnıejúzilik ekonomıkalyq forýmǵa qatysý úshin bara jatyr. Ol forýmda sársenbi kúni shyǵys ýaqytymen tańǵy saǵat 8:30 shamasynda sóz sóıleýi tıis. Onyń sóz sóıleýi keıinge qaldyrylýy da múmkin.

Buǵan deıin AQSh prezıdenti Davosta ótetin Dúnıejúzilik ekonomıkalyq forýmǵa 300-den astam sheneýnik pen ákimshilik qyzmetkerlerinen turatyn delegatsııamen baratynyn jazdyq.