Tramp ákimshiligi klımattyq zertteýlerge bólinetin qarjyny qysqartty

ASTANA. KAZINFORM — AQSh prezıdenti Donald Tramptyń ákimshiligi Prınston ýnıversıtetindegi klımattyń ózgerýin zertteýge bólinetin federaldy qarjylandyrýdy shamamen 4 mln dollarǵa qysqartqanyn jarııalady, dep habarlaıdy The New York Times. 

Saýda mınıstrliginiń málimdeýinshe, bul baǵdarlama «asyrylǵan jáne shyndyqqa jatpaıtyn klımattyq qaýipterdi ilgeriletedi» jáne amerıkalyq jastar arasynda «klımatqa baılanysty alańdaýshylyqty» arttyrady. Vedomstvo sonymen qatar balabaqsha tárbıelenýshilerinen bastap mekteptegi joǵary synyp oqýshylaryna bilim berý baǵdarlamalaryn qarjylandyrýdy toqtatatynyn málimdedi.

Budan basqa, Prıstondaǵy «Jahandyq jylyný saldarynan Jerdegi sýdyń qoljetimdiligi qalaı ózgeredi» jáne «Jaýyn-shashyn men teńiz deńgeıi sıpatyndaǵy ózgerister jaǵalaýdaǵy sý tasqynyna qalaı áser etýi múmkin» taqyryptarynda eki bes jyldyq zertteýin qarjylandyrý toqtatylady.

— Mundaı qoıylymdardy qoldaý úshin federaldy qarajatty paıdalaný ákimshilik basymdyqtaryna sáıkes kelmeıdi. Bul ýaqyt pen resýrstardy basqa maqsattarǵa paıdalanýǵa jaqsyraq bolar edi, — dep málimdedi mınıstrlik.

Saýda mınıstrliginiń baǵdarlamalardy qysqartý týraly málimdemesi federaldy agenttikter, sonyń ishinde NASA jáne Energetıka mınıstrligi ótken aptada Prınston ýnıversıtetinde ondaǵan ǵylymı grantty toqtatatynyn jarııalaǵannan keıin jasaldy. 

Buǵan deıin AQSh Garvard-qa bólinetin 2,2 mlrd dollar memlekettik qarjylandyrýdy toqtatatynyn jazǵan bolatynbyz.