Túnde Іle Alataýynda adasyp qalǵan eki qyz qutqaryldy - TJM
ASTANA. KAZINFORM - Almaty oblysynyń Talǵar aýdanynda, Besqaınar aýyly mańyndaǵy «Býkreeva» shyńynda taýǵa shyǵý kezinde 2009 jyly týǵan eki qyz adasyp ketken, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, olar jeti adamnan turatyn top quramynda taýǵa shyqqan, alaıda «Pıoner» taý keshenine qaraı túsken kezde ózgelerden qalyp qoıyp, olarmen baılanys joǵalǵan.
Qutqarý qyzmetine habarlama túsken soń, TJM Respýblıkalyq «Barys» qutqarý qyzmeti jáne Almaty qalasy TJD qutqarý qyzmeti dereý izdestirý jumystaryn bastady. Іzdeý túngi ýaqytta, aýa raıynyń qolaısyz jaǵdaıynda júrgizildi. Taýda jańbyr jaýyp, qozǵalys pen jerdi tekserýdi edáýir qıyndatty.
-Іzdestirý-qutqarý operatsııasy barysynda mamandar Býtakov shatqaly men «Býkreeva» shyńy mańyndaǵy taýly marshrýttardy tekserdi. Adasqan qyzdar qatty tońyp jáne sharshap qalǵan kúıde tabyldy,-delingen habarlamada.
Qutqarýshylar olarǵa qajetti kómek kórsetip, qyzdardy bir-birlep arqalaryna otyrǵyzyp, qıyn ótý joldary arqyly qaýipsiz aımaqqa evakýatsııalady. Olarǵa medıtsınalyq kómek qajet bolmady.
Qyzdar taýdan aman-esen túsirilip, týystaryna tapsyryldy.
Osyǵan deıin Alma-Arasan shatqalynda jasóspirim jartastan qulap ketkeni týraly jazdyq.
