Toskanada sý tasyp, alty adam mert boldy
Italııanyń Toskana qalasynyń kóp bóligin basyp qalǵan sý tasqyny saldarynan alty adam qaza taýyp, birneshe turǵyn iz-túzsiz joǵalyp ketken. Kazinform bul týraly VVS basylymyna silteme jasap habarlaıdy.
Kóptegen úı men aýrýhana sý astynda qaldy, avtokólik ishinde bolǵan adamdar jerasty týnnelderinde qalyp, óńirdiń batys jaǵalaýynda úlken tolqyndar týlap jatyr.
Toskana arqyly aǵyp ótetin Bızentsıo ózeni arnasynan asyp, avtokólikterdi shaıyp ótti. Adamdar tasqynnan qashyp, úıdiń shatyryna shyǵýǵa májbúr boldy.
Mundaı aýa raıy Batys Eýropada 13-ten astam adamnyń ólimine sebep bolǵan «Kıran» daýyly saldarynan týyp otyr.
85 jastaǵy er adamnyń denesi sý basqan úıiniń birinshi qabatynan tabyldy. Qutqarýshylar ol qaýipsiz orynǵa baspaldaq arqyly shyǵa almaǵan dep boljady.
Taǵy bir er adam men jubaıynyń máıiti Florentsııadan batysqa qaraı Vınchı qalasynan tabyldy. Tasqyn kezinde olardyń kóligi aýdarylyp ketken.
Florentsııadaǵy Arno ózeni arnasynan asyp, tasýy múmkin degen qaýip boldy. Biraq tańǵa qaraı ózendegi sý deńgeıi tómendeı bastady.
Prato meri Matteo Bıffonı túnde bolǵan oqıǵany «ishke jasalǵan soqqy» dep atady. Tasqyn saldarynan aýdandardy tolyǵymen sý basyp qalsa, Santo-Stefano qalalyq aýrýhanasynyń birinshi qabaty sý astynda qaldy.
