Topar kentinde úsh adamǵa túıneme juqqany rastaldy

Qaraǵandy oblysynyń Topar kentinde úsh adamnan túıneme (sibir jarasy) anyqtaldy, dep habarlaıdy Kazinform.

Belgili bolǵandaı, bir úıdiń qojaıyny aýyryp turǵan 8 aılyq buqany soıýǵa májbúr bolǵan. Olar soıylǵan maldyń etin satýdy josparlamaǵan. Sol úıdegi úsh adamnan sibir jarasy anyqtaldy, taǵy eki adam dárigerlerdiń baqylaýynda. Sondaı-aq, olarmen baılanysta bolǵan 30 adam anyqtalyp, olarmen profılaktıkalyq is-sharalar týraly túsindirme áńgime júrgizilip, medıtsınalyq baqylaý ornatyldy.

“Soıylǵan maldyń eti tárkilenip, mórlenip, veterınarııalyq zańnamaǵa sáıkes joıylatyn bolady. Kentte indetti oqshaýlaý jáne joıý úshin barlyq qajetti sanıtarlyq-veterınarlyq epızootııaǵa jáne epıdemııaǵa qarsy is-sharalar júrgizilýde. Barlyq tekserilgen oshaqtarda dezınfektsııa júrgizildi, veterınarııa mamandary úılerdi aralap, maldardy klınıkalyq tekserý jáne termometrııadan ótkizip, egý jumystaryn júrgizýde. Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti arqyly veterınarııalyq preparattardyń respýblıkalyq qorynan vaktsınalar men dezınfektsııalyq quraldar tolyq qamtamasyz etildi”, - dep málimdedi Qaraǵandy oblysy ákimdiginde.

Eske salsaq, Topar kentine Abaı qalasynan kire beriste kólikterdi sanıtarlyq óńdeýden ótkizý úshin beket ornatyldy. Karantındik sharalardy saqtaý úshin Jartas kentinen Topar kentine ekinshi kireberis ýaqytsha jabyldy. Turǵyndardyń qozǵalysyna shekteý qoıylǵan joq. Sondaı-aq, kentten maldy shyǵaryp kirgizýge, ony ótkizýge, aýrý maldyń sútin paıdalanýǵa, mal soıýǵa jáne aýmaqtan jem men jemshóp qospalaryn shyǵarýǵa tyıym salyndy.

“Jaǵdaı ýákiletti qyzmetterdiń tolyq baqylaýynda. Oqıǵa ornynda sanıtarlyq-epıdemıologııalyq baqylaý, densaýlyq saqtaý, veterınarııalyq baqylaý komıtetiniń aýmaqtyq ınspektsııasy men veterınarııa basqarmasynyń, respýblıkalyq epızootııaǵa qarsy toptyń bir top qyzmetkerleri jumys isteýde”, - dedi ákimdikten.