Tokıo-2020: Búgin qazaq boksshylarynan rıngke kimder shyǵady

NUR-SULTAN. QazAqparat – Tokıo Olımpıadasynyń búgingi jarys kúninde 63 kelige deıingi salmaqta Zakır Safıýllın men 52 kelige deıingi salmaqta Sáken Bıbosynov sharshy alańǵa shyǵady, dep habarlaıdy QazAqparat tilshisi.

Jalpy búgin qazaqstandyqtar sporttyń 4 túrinen baq synap jatyr.

Sonyń ishinde jankúıerler Elena Rybakınanyń qola medal úshin ótip jatqan oıynyna úmitpen qarap otyr.

Al Zakır Safıýllın men Sáken Bıbosynovtan jankúıerdiń tek jeńis kútetini aıtpasa da túsinikti.

Zakır Safıýllınniń bul jolǵy qarsylasy – japonııalyq Daısýke Narımatsý. 31 jastaǵy sharshy alań ıesi alǵashqy kezdesýinde Kongo Demokratııalyq Respýblıkasynyń sportshysy Fıston Mabaııa Mýlýmbany 5:0 esebimen taza jeńgen bolatyn.

Al 34 jastaǵy otandasymyz alǵashqy jekpe-jeginde perýlik Leodan Peso Saboıany taza utqan.

Sáken Bıbosynovtyń búgingi qarsylasy - frantsııalyq Bilál Bennema. 23 jastaǵy frantsýz boksshysy Tokıo tórindegi jarysty 8/1 fıaldan bastap otyr. 24 jastaǵy Sáken Bıbosynov aldyńǵy saıysta Pýerto-Rıko ókili Rıvera ıAnkelden basym túken bolatyn.