Toqaev Vıtse-prezıdent pen Úkimet basshysyn halyq senimin aqtaý úshin laıyqty qyzmet etýge shaqyrdy
ASTANA. KAZINFORM — Memleket basshysy Qasym-Jomart Toqaev Vıtse-prezıdent pen Premer-mınıstr kandıdatýralaryna qoldaý bildirgen Quryltaı depýtattaryna rızashylyǵyn bildirdi.
— Barshańyzǵa Vıtse-prezıdent pen Premer-mınıstrdiń kandıdatýralaryna qoldaý bildirgenderińiz úshin zor rızashylyǵymdy bildiremin. Aldymyzda turǵan maqsat-mindetter kóp, aýqymdy jumys bar. Bárimiz elimiz úshin, halqymyz úshin tabandy eńbek etýmiz kerek. Bizdiń Qazaqstannan basqa Otanymyz joq. Halqymyzdyń bizge júktegen qyzmeti óte jaýapty, abyroıly dep aıtýǵa bolady. Muny qasıetti paryz deýge kúmánsiz bolady. Halyqtyń osy senimin aqtaý úshin bárimiz laıyqty qyzmet eteıik, bárimiz. Barshańyzǵa sáttilik tileımin, — dedi Quryltaıdyń jalpy otyrysynda Memleket basshysy.
Aıta keteıik, Quryltaı otyrysynda depýtattar Vıtse-prezıdent laýazymyna usynylǵan Erlan Qarınniń kandıdatýrasyn qoldady.
Sonymen qatar Oljas Bektenovtiń Premer-mınıstr laýazymyna taǵaıyndalýyna kelisim berdi.
