Toqaev transkaspıı baǵytyn damytýǵa basymdyq beriletinin aıtty
ASTANA. KAZINFORM — Transkaspıı halyqaralyq kólik baǵytyn damytý basty basymdyq. Bul týraly QR Prezıdenti janyndaǵy Sheteldik ınvestorlar keńesiniń 36-shy plenarlyq otyrysynda Memleket basshysy Qasym-Jomart Toqaev aıtty.
«Qazirgi geosaıası jaǵdaı Qazaqstannan negizgi Eýrazııalyq tranzıttik hab retindegi ustanymyn nyǵaıtýdy talap etedi. Biz 11 000 shaqyrym eski temirjoldy qaıta qurýdy jáne 5000 shaqyrymnan astam jańa temirjol jelilerin salýdy josparlap otyrmyz. Transkaspıı halyqaralyq kólik baǵytyn damytý basty basymdyq sanalady. Bul Eýropa men Azııa arasyndaǵy saýda baılanysyn qamtamasyz etedi. Ótkizý qabileti jylyna — 10 mıllıon tonna júk. Sondyqtan biz jańa júk termınaldaryn salý jáne júk kólikterin birlesip shyǵarý arqyly Orta dálizdiń ınfraqurylymyn damytýdaǵy ınvestıtsııalyq múmkindikterge basymdyq beremiz», — dedi Memleket basshysy.
Qasym-Jomart Toqaev elimizdiń damýy úshin kólik jelilerin keshendi damytý da asa mańyzdy ekendigin asa aıtty.
«Tek osy jyly ǵana biz 12 myń shaqyrymǵa jýyq joldy jóndedik jáne saldyq», — dedi Prezıdent.
Buǵan deıin Qazaqstan tehnıkalyq jáne kásiptik bilim berý sapasyn arttyrýǵa daıyn ınvestorlardy izdeıtindigin jazǵan edik.
Sondaı-aq 2029 jylǵa qaraı elimiz 150 mlrd dollar tikeleı shetel ınvestıtsııasyn tartady.
