«Tobyl» men «Elimaı» sońǵy mınýtta úsh upaı oljalady

ASTANA. KAZINFORM - Búgin fýtboldan Qazaqstan Premer-lıgasynyń HHІV-týry aıasynda ekinshi oıyn kúnin qostanaılyq «Tobyl» men Qyzylordanyń «Qaısary» túıindedi.

Kezdesý barysynda eki komanda jyldam gol soǵýǵa tyrysty. Qostanaılyq klýb oıyn tizginin qolǵa alyp, jıi shabýyl uıymdastyrdy. Soǵan qaramastan tablodaǵy esepke ózgeris engen joq. Oıynnyń 95-mınýtynda Nıkolaı Sıgnevıch soqqan gol «Tobylǵa» jeńis alyp keldi. Osylaısha qostanaılyq klýb qarsylasynan 1:0 esebimen súrindirip, týrnır kestesindegi jaǵdaıyn jaqsarta tústi.

Al semeılik «Elimaı» óz alańynda Shymkenttiń «Ordabasy» komandasyn 2:1 esebimen súrindirdi. Oıynnyń 3-mınýtynda shymkenttik klýbtan Elhan Astanov esep ashsa, «Elimaı» sapynan Ramazan Orazov 84, Roman Mýrtazaev 95-mınýtta mergendik tanytty.

Aıta ketsek, budan buryn elordalyq «Astana» syrt alańda kóshetaýlyq «Oqjetpesti» 2:1 esebimen tize búktirdi. 

Eske salsaq, 27 qyrkúıekte Jezqazǵannyń «Ulytaýyn» óz alańynda «Atyraýǵa» 1:5 esebimen ese jiberse, astanalyq «Jeńis» Túrkistannyń «Turanyn» 6:3, «Aqtóbe» petropavldyq «Qyzyljardy» 1:0 esebimen jeńdi.

Sondaı-aq 5 qazanda «Qaırat» (Almaty) pen «Jetisý» (Taldyqorǵan) oınaıdy.