Jetisý oblysynyń eki aýdanynda 300 shaqyrymnan astam sýarý jelileri qalpyna keltirilip jatyr
ASTANA. KAZINFORM - Jetisý oblysynyń Aqsý aýdanynda sýarý jelilerin rekonstrýktsııalaý jobasy júzege asyrylyp jatyr, dep habarlaıdy QR Sý resrýstary jáne ırrıgatsııa mınıstrliginiń baspasóz qyzmeti.
Joba aıasynda 37,8 shaqyrym kanal jańartylyp, 170 gıdrotehnıkalyq nysan salý kózdelgen. Nátıjesinde 11 548 gektar aýyl sharýashylyǵy alqabyna sý jetkizý jaqsarady dep josparlanyp otyr. Qurylys-montaj jumystary kezeń-kezeńimen segiz kanalda júrgizilip keledi: KRH-1-1-1, «Oıtoǵan», «Qaratoǵan», «Altynaryq», «Sol jaǵalaý», 1RH, «Taneke» jáne VRH-1.
Kóksý aýdanynda da sýarý júıelerin rekonstrýktsııalaý jumystary júrgizilip jatyr. Bul joba 15 537 gektar sýarmaly jerge sý jetkizýdi jaqsartýǵa múmkindik beredi. Joba aıasynda 266,4 shaqyrym kanal qaıta jóndelip, 1 099 gıdrotehnıkalyq nysan salý qarastyrylǵan. Qazirgi ýaqytta jumystar R-1-1, «Jekmet», R-3-4, «Aqshatoǵan», «Nurabaı», «Orta Aryq», «Mámbet» jáne «Baqytjan» kanaldarynda júrgizilip jatyr.
Kóksý aýdanyndaǵy joba eki kezeńde júzege asyrylý ústinde. Birinshi kezeń boıynsha jumystardy bıyl aıaqtaý josparlanǵan.
-Bul jobalardy iske asyrý sý sharýashylyǵy ınfraqurylymyn jańǵyrtý arqyly sýarmaly jerlerdi sýmen qamtamasyz etý tıimdiligin arttyrýǵa baǵyttalǵan. Sonymen qatar buryn aýyl sharýashylyǵy aınalymynan shyǵyp qalǵan jerlerdi qalpyna keltirip, olardy qaıtadan ekonomıkalyq aınalymǵa engizý qarastyrylǵan. Bul aýyl sharýashylyǵy óniminiń kólemin arttyrýǵa, sharýalar tabysyn arttyrýǵa jáne óńirdiń azyq-túlik qaýipsizdigin nyǵaıtýǵa yqpal etedi dep kútilip otyr, - dedi «Qazsýshar» RMK-nyń Jetisý oblysy boıynsha fılıalynyń dırektory Medet Kerimjanov.
Osyǵan deıin Túrkistan oblysynda nóser saldarynan kópirlerdi sý shaıyp, 81 adam evakýatsııalanǵany týraly jazdyq,
