Tımofeı Skatov Marokkodaǵy týrnırdi sátti bastady

ASTANA. KAZINFORM – Qazaqstandyq tennısshi, álemniń 195-raketkasy Tımofeı Skatov Marrakesh (Marokko) ATP 250 týrnıri irikteý saıysynyń fınalyna shyqty.

Qazaqstandyq tennısshi irikteý saıysynyń jartylaı fınalynda álemniń 128-raketkasy, ıtalııalyq Andrea Pellegrınoǵa tap keldi.

Іrikteýdiń 3-raketkasy bolyp tirkelgen ıtalııalyq tennısshi favorıt sanalǵan edi.

Birinshi partııada A.Pellegrıno 6:3 esebimen basym tústi. Alaıda ekinshi sette T.Skatov 4:1 esebimen alǵa shyqqan sátte qarsylasy matchty jalǵastyrýdan bas tartty.

Tımofeı Skatov irikteý saıysynyń fınalynda álemniń 141-raketkasy, týnıstik Moe Eshargımen sheberlik baıqasady. M.Eshargı reıtıngide 939-satydaǵy marokkolyq ıÝnes Lalamı-Laarýssıden aılasyn asyrdy – 6:4, 7:6 (7:3).

T.Skatov týnıstik tennısshini jeńse, negizgi týrnırge joldama alady.

Eske sala keteıik, budan buryn Jibek Qulambaevanyń Úndistandaǵy týrnırde juptyq synda úzdik shyqqanyn jazǵan edik.

Sondaı-aq Jibek Qulambaeva Úndistandaǵy týrnırdiń absolıýtti jeńimpazy atandy.