Tesla Berlınde adam tárizdi robot Optimus-ty tanystyrdy
ASTANA. KAZINFORM — Robot saýda ortalyǵynda popkorn taratyp, shyrshaǵa arnalǵan sharlardy ustatyp, kelýshilerge qoshemet kórsetken, dep habarlaıdy DW.
Tesla málimetinshe, bıiktigi 1,73 m bolatyn Optimus qaýip týdyrmaıtyn, qarapaıym jumystardy oryndaýǵa qabiletti: tazalaý, tamaq ázirleý jáne qoımada isteletin jumystar.
Qazirgi ýaqytta robot Tesla-nyń Kalıfornııadaǵy zaýytynda akkýmýlıator batareıalaryn suryptap, elektromobılderdi jınaý jelisinde kómek kórsetip jatyr.
Kompanııanyń aıtýynsha, Optimus názik zattardy da ustaı alady, «naqty kórý jáne navıgatsııa» júıesi bar, sondaı-aq tegis emes jerlerde de qozǵala alady.
Tesla robotty shamamen bir jyldan keıin satylymǵa shyǵarýdy josparlap otyr. Baǵasy 20-25 myń dollar bolady.
Aıta ketelik astanalyq oqýshy 1 mınýtta kýbık rýbık jınaıtyn robot jasap shyǵarǵany týraly jazǵan edik.