Temirtaýda jarylys bolǵan dúkenniń astynan bir áıeldiń denesi tabyldy
TEMІRTAÝ. KAZINFORM — Temirtaýdaǵy jarylystan keıin qırap qalǵan dúken ǵımaratynyń astynan bir adamnyń máıiti tabyldy.
Tańǵy 09:49 kezinde qutqarýshylar úıindi astynan áıeldiń denesin syrtqa shyǵardy.
Jedel járdem brıgadasy ólim faktisin rastady.
Eske sala keteıik, búgin tańerteń Temirtaýda qos qabatty dúken ǵımaratynda gaz jarylǵan bolatyn. Dúken opyrylyp, órtengen.
Saǵat 08:44 shamasynda úıindi astynan áıel adam shyǵaryldy.
TJM saǵat 09:08 kezinde órt oqshaýlanǵanyn habarlady.
Úıindi astynan tabylǵan marqum dúkenniń satýshysy bolǵan. Ekinshi zardap shekken áıel — saýda jasaýǵa kelgen qala turǵyny.
Ol aýrýhanada jatyr.
