Temirtaýda kópqabatty turǵyn úıdiń shatyry opyrylyp tústi

TEMІRTAÝ. KAZINFORM – Temirtaýda kópqabatty turǵyn úıdiń shatyry qulady. Oqıǵa ornynan vıdeo áleýmettik jelilerde tarap jatyr. 

Atalmysh turǵyn úı 1956 jyly paıdalanýǵa berilgen. Opyrylǵan shatyr qazirgi ýaqytta bos turǵan páter ústinde bolǵan, onda eshkim turmaıdy. Sol sebepten oqıǵa barysynda zardap shekkender bolǵan joq, biraq shatyrdyń zaqymdalýy kórshiles páterlerdegi turǵyndardyń alańdaýshylyǵyn týdyrdy.

Temirtaý ákimishiligi túsindirgendeı, saraptama júrgizilmeı jóndeýge kirisý múmkin emes.

– Jóndeý jumystaryn bastaý úshin tehnıkalyq tekserý jáne jobalyq-smetalyq qujattamany ázirleý qajet. Tekserýden keıin, eger úı apatty dep tanylmasa, jóndeý jumystary júrgizilý múmkindigi qarastyrylady, - dep habarlady qala ákimishiliginde.

Foto: v.temirtau ınstagram paraqshasynan

Mamandarǵa qurylys konstrýktsııalarynyń naqty jaǵdaıyn, tozý dárejesin jáne ǵımaratty ary qaraı paıdalaný kezinde bolýy múmkin táýekelderdi baǵalaý tapsyrylǵan. Osy derekter negizinde ǵana kelesi áreketter týraly sheshim qabyldanady.

Posmotret etý pýblıkatsııý v Instagram

Pýblıkatsııa ot V Temırtaý | Novostı (@v.temirtau)

Tekserýden keıin úıge resmı mártebe beriledi. Eger ǵımarat apatty dep tanylmasa, bılik qalpyna keltirý jumystaryn, onyń ishinde shatyrdy jóndeý múmkindigin qarastyrady. Sheshimder qoldanystaǵy zańnama aıasynda qabyldanady.

Qazirgi ýaqytta turǵyndar saraptama qorytyndysyn kútip otyr. Keıin sol boıynsha úıdiń taǵdyry men onyń ary qaraı qaýipsiz paıdalanylýy anyqtalady.

Eske sala keteıik, buǵan deıin Astananyń Almaty aýdanynda, Táýelsizdik dańǵyly, 24B mekenjaıynda toǵyz qabatty turǵyn úıdiń qasbetinen kirpishten jasalǵan syrtqy qaptama men kondıtsıoner qondyrǵysy qulap, 5 adam zardap shekkenin jazǵan bolatynbyz.