«Telegazet» jobasynyń tusaýy kesildi
ASTANA. QazAqparat - Búgin Astanada Elbasy Nursultan Nazarbaevtyń qatysýymen ótken telekópir barysynda júzege asyrylǵan jobalar qatarynda «Telegazet» jobasynyń tusaýy kesildi.
QR Baılanys jáne aqparat agenttiginiń bastamasymen qolǵa alynǵan «Telegazet» jobasy «Otaý TV» ulttyq telehabar taratý jelisi arqyly gazetterdi elektrondy nusqada 3 mln. adamnyń oqýyna múmkindik jasady.
«Keń-baıtaq elimizdiń ár óńirine Qazaqstanda bolyp jatqan jaǵdaıdy, saıasatty jetkizýimiz kerek. El halqy osy júrgizilip jatqan jumystardy jergilikti jerlerde qoldap, azamattarymyz barlyǵynan málimet alsyn, iske asyrylǵan baǵdarlamalardy kórsin, óz taraptarynan memleketke kómek jasasyn dep maqsat tutyp otyrmyz», - dedi Prezıdent.
