Táýelsizdik merekesi: Bir top aqmolalyq marapattaldy
«Kókshetaý» mádenıet saraıynda uıymdastyrylǵan «Táýelsiz Qazaqstan - Uly dala eli» atty merekelik sharaǵa jınalǵandar aldynda sóz sóılegen aımaq basshysy barsha aqmolalyqtardy elimizdiń basty merekesi - Táýelsizdik kúnimen quttyqtaı kele, Qazaqstannyń egemendik jyldary qol jetkizgen jetistikteri jaıly aıtyp berdi.
«Bıyl aqmolalyq dıqandar 5,6 mıllıon tonna astyqty qoımaǵa quıyp, ár gektardan 13 tsentnerden ónim jınady. Bıylǵy jyldyń sońyna deıin oblysta 5 myń páter paıdalanýǵa beriletin bolady. Kókshetaý qalasynan 900 oryndyq IT mektep-lıtseıi ashyldy. Taıaý jyldar ishinde 3 myń oryndyq jataqhanalar salynbaqshy. Bunyń bári de Táýelsizdigimizdiń arqasynda qol jetkizip otyrǵan jetistikter», - deı kele, oblys ákimi Táýelsizdik alǵan shırek ǵasyrdan astam ýaqyttan beri eldi kórkeıtýge bar kúshterin salǵan aqmolalyqtarǵa shynaıy alǵysyn jetkizdi.
Memlekettik jáne qoǵamdyq qyzmette eńbegi sińgen azamattarǵa Elbasynyń Jarlyǵyna sáıkes birneshe memlekettik marapattardy tapsyrdy. Mundaı qoshemetke ıe bolǵandardyń qatarynda aýdan ákimderi, seriktestik basshylary, qarapaıym eńbekkerler de bar.
Ulyq mereke jergilikti kórkemónerpazdardyń qatysýymen kontsertke ulasty.
