Taý qarynan qaýip bar ma
ASTANA. KAZINFORM – «Qazgıdromet» mamandary birqatar óńirde taýlardy áli de qar basyp jatqanyn habarlady. Eger kún kúrt jylynyp, jaýyn-shashyn molynan túser bolsa sý tasqyny týyndaýy múmkin.
«Qazgıdromettiń» boljaýynsha, aldaǵy kúnderi elimiz boıynsha jaýyn-shashyn kútilip otyr. Tabıǵı qubylys normadan joǵary bolýy múmkin. Soltústik, ortalyq jáne shyǵys oblystarda túnde jańbyr jaýyp, artynan qar túsedi dep boljanýda. Elimiz boıynsha jeldiń jyldamdyǵy da artpaq. Sáýir aıynyń ekinshi onkúndiginde Qazaqstannyń barlyq aýmaǵynda kún 20-22 gradýsqa deıin jyly bolady dep kútilýde.
«Meteostantsııalardaǵy uzaq merzimdi baqylaýlarǵa sáıkes, bir aılyq jaýyn-shashyn bir kúnde túsip, qaýipti tabıǵı gıdrometeorologııalyq qubylystar oryn alýy múmkin. Temperatýranyń joǵarylaýy jáne jaýyn molynan túsken jaǵdaıda Qazaqstannyń ońtústigindegi, ońtústik-shyǵysyndaǵy jáne shyǵysyndaǵy taýly ózenderdiń boıynda qatty jańbyrly sý tasqyny bolýy múmkin», - delingen «Qazgıdromet» habarlamasynda.
