Tártip saqshylary balalarǵa kómektesýde
JAMBYL OBLYSY. Tamyzdyń 14-i. QazAqparat - Jedel basqarý ortalyǵynyń qyzmetkerleri beınemonıtormen qaladaǵy jaǵdaıdy qadaǵalaı otyryp, Abaı-Tóle bı qıylysyndaǵy tóbelesti baıqaıdy da, ol jerge patrýldik polıtsııa jeke batalonynyń ekıpajyn baǵyttaıdy.
PPJB ekinshi kavalerııa vzvody komandıriniń kómekshisi polıtsııa leıtenanty Nıkıta Fazılovtyń aıtýynsha, tóbelesip jatqan ekeý nysandy kıimdi adamdardy kórgen bette qasha jónelgen, dep habarlaıdy oblystyq ІІD baspasóz qyzmetinen Roza Qaldybekova.
- Іzderine túsý arqyly qashqyndardyń birin oblystyq murajaı mańynan ustadyq. Urys-keris jábirlenýshi jáne pyshaqpen, elektroshokermen qarýlanǵan tulǵalar toby arasynda bolǵan. Qylmys qarýymen qorqytý arqyly qaraqshylar ótkinshiniń uıaly telefonyn ıemdengen, - deıdi N.Fazılov.
Kúsh kórsetýshilerdiń qalǵandary Áıteke bı men Qazybek bı kósheleriniń qıylysy mańyn torýyldaý kezinde eki saǵattan soń quryqtaldy. Tintý barysynda olardan segiz uıaly telefon (onyń ishinde urlanǵan jáne jábirlenýshi tanyǵan uıaly telefondar da bar) tabylǵan. Qarýly qaraqshylyq shabýyl deregi boıynsha qylmystyq is qozǵalyp, tutqyndar osyǵan uqsas jasalǵan ondaǵan qylmysqa kúdikti bolyp tanyldy.
- «Jyl basynan beri Jambyl oblysy ІІD PPJB qyzmetkerleri 300-ge jýyq qylmystardy ashty. Eki myńnan astam ákimshilik quqyq buzýshylyqtar anyqtalǵan jáne hattamalar toltyrylǵan.
Polıtseıler qylmyspen kúresip, azamattardyń tynyshtyǵyn qorǵap qana qoımaı, muqtaj azamattarǵa qaıyrymdylyq kómek pen áleýmettik qoldaý kórsetedi.
Jambyl oblysy ІІD bastyǵynyń bastamasymen balalarǵa kómek kórsetý keleshekte de aqysyz júrgizile beredi, - deıdi sholǵynshy polıtsııanyń jeke batalony komandıriniń orynbasary Ýálıhan Seksenbaev.
