BAÁ taǵy bir halyqaralyq uıymnan shyqty
ASTANA. KAZINFORM – Birikken Arab Ámirlikteri OPEK jáne OPEK+ uıymdary quramynan shyqqan soń Arab munaı eksporttaýshy elderi uıymynan (OAPEK) da shyqty.
BAÁ uıym quramynan resmı túrde 1 mamyrda shyqty.
- Uıymnyń Bas hatshylyǵy Birikken Arab Ámirlikterine múshelik kezeńinde atqarǵan róli jáne arab memleketteriniń munaı jáne energetıka salalaryndaǵy birlesken jumysyn qoldaýǵa qosqan belsendi úlesi úshin alǵys bildiredi, - delingen OAPEK habarlamasynda.
بيان صادر عن منظمة الأقطار العربية المصدرة للبترول (أوابك)
— أوابك (@OAPEC1) May 3, 2026
بشـــــــأن انسحاب دولة الإمارات العربية المتحدة من عضوية المنظمة
أحيطت الأمانة العامة لمنظمة الأقطار العربية المصدرة للبترول (أوابك) علماً بكتاب معالي المهندس سهيل محمد المزروعي، وزير الطاقة والبنية التحتية في دولة… pic.twitter.com/LN4BFrU3Ew
OAPEK – shtab-páteri Kýveıtte ornalasqan munaı eksporttaıtyn arab elderiniń energetıkalyq saıasatyn úılestiretin úkimetaralyq uıym. Onyń músheleri – ekonomıkasy kóbine munaı eksportynan túsetin kiristerge táýeldi elder. BAÁ-niń shyǵýynan keıin onyń quramynda Aljır, Bahreın, Mysyr, Irak, Kýveıt, Lıvııa, Qatar, Saýd Arabııasy, Sırııa jáne Týnıs qaldy.
Bul habarlandyrý BAÁ-niń 28 sáýirde OPEK-ten jáne OPEK+ óndirýshiler tobynan otandyq óndiristi arttyrýǵa basymdyq berý úshin shyǵatynyn málimdeýinen keıin jasaldy.
Eske salsaq, Birikken Arab Ámirlikteri (BAÁ) 2026 jyldyń 1 mamyrynan bastap OPEK pen OPEK+ uıymdarynan shyǵý týraly sheshim qabyldady.
Qytaı-ShYU Saýda-ekonomıka ınstıtýtynyń vıtse-prezıdenti, professor Shen Lı Kazinform agenttiginiń Beıjińdegi tilshisine bergen eksklıýzıvti suhbatynda bul qadamnyń sebebin jáne onyń álemdik energetıkalyq naryq arhıtektýrasyna áserin talqylady.
