Tarazdyń qańǵybas ıtteri 700 turǵyndy qapty
TARAZ. 22 aqpan. QazAqparat - 2011 jyly qańǵybas ıtter Tarazdyń 700 turǵynyna shabýyl jasady, dedi qala ákimi Bekbolat Orynbekov halyqpen eseptik kezdesý barysynda.
«Ótken jyly qalanyń halyqpen eseptik kezdesýinde osy qańǵybas ıtterdi aýlaý jáne kórtyshqandardy joıý máselesi birneshe ret talqylanǵan edi. Aıta keteıik, sol kezde 6 myń qańǵybas ıt aýlandy, ol úshin 9 mln. teńge bólingen edi. Sonymen qatar, 3,5 mln. teńgege kórtyshqandardy qurtý boıynsha jumystar júrgizildi», - dedi ákim.
«Osy máselelerdi sheshý barysynda biz birqatar kedergilerge tap boldyq. Qańǵybas ıtter Taraz qalasynyń 700 turǵynyna aýyz salǵanyna qaramastan, janýarlardy qorǵaý qoǵamdyǵy syn aıtýmen boldy. Aıta keteıik, sol ıtterdiń 3-eýi qutyrý belgisimen ustaldy», - dep atap ótti ákim.
«Alaıda biz mundaı kórsetkishterge kóz juma qaraı almaımyz. Bizdiń negizgi mindetimiz turǵyndardyń qaýipsizdigin qamtamasyz etý, erkin júrýine jaǵdaı jasaý bolyp tabylady», - dedi ol.
