Atyraý oblysynda respýblıkalyq joldarda júk kólikterine maýsymdyq shekteý engiziledi
ATYRAÝ. KAZINFORM - 1 maýsym men 31 tamyz aralyǵynda júk tasymaldaýshy kólikterge maýsymdyq shekteý engiziledi. Bul shara jol sapasyn saqtaýǵa baǵyttalǵan.
«Jol aktıvteri sapasynyń ulttyq ortalyǵy» RMK AOF, «QazAvtojol» UK» AQ AOF, «KajServıs» JShS AOF jáne kólik prokýratýrasynan ókilderi «Qarabatan» mańyndaǵy demalys alańynda uıymdastyrylǵan kezekti aktsııa kezinde kólik júrgizýshilerge maýsymdyq shekteý talaptaryn túsindirip, quqyq buzýshylyqtardyń aldyn alý boıynsha keńes berdi.
«Jol aktıvteri sapasynyń ulttyq ortalyǵy» RMK AOF jetekshi sarapshysy Aıdos Batanovtyń aıtýynsha, joldardyń tez tozýyna shamadan tys júk tıegen kólikter de áser etedi. Sondyqtan zańnamada kórsetilgen salmaqtan artyq júk tasymaldaý týraly túsindirý jumystaryn jıi júrgizý mańyzdy.
- Maýsymdyq shekteýge baılanysty aýyr júk kólikteri tasymaldanatyn júk kólemin 1 bilikke 9 tonnadan asyrmaý kerek, - dedi kólik baqylaý ınspektorlary.
Atyraý oblysy boıynsha kólik baqylaý ınspektsııasy málimetinshe, aýyr júk kólikterine qatysty ótken jyly 2621, bıyl jyl basynan beri 631 zań buzýshylyq tirkelip, jalpy sommasy 450 mln teńgege jýyq aıyppul salynǵan.
Buǵan deıin Qaraǵandy oblysynda zań buzǵan júk kólikteriniń júrgizýshileri 322,8 mln teńge aıyppul arqalaǵanyn jazǵan edik.
