Tarazdaǵy jarylystyń sebebi belgili boldy
TARAZ. KAZINFORM — Keshe 21:41 kezinde Jambyl oblysy Taraz qalasy Qarasý shaǵynaýdany 26-úıdiń kireberis asfaltty jabyny jarylyp, ot lap etip óshti. Búgin Taraz qalasy ákimdigi oqıǵanyń sebebin habarlady.
Qalalyq gaz sharýashylyǵy qyzmeti gaztaldaý qurylǵysymen zerttep, ol jerden gaz qubyry ótpeıtinin jáne gaz jarylmaǵany jóninde qorytyndy jasady.
Ózge kommýnaldyq qyzmetter de óz jelilerin zerttep, jasalǵan qorytyndy nátıjesinde keshe saǵat 21.44 kezinde Taraz qalasy «Samal» móltek aýdanynda ornalasqan 110/6 kV-tyq «Rysbek» podstantsııasyndaǵy 414 uıashyqtan shyǵyp № 10-shy taratý pýnktine baratyn joǵary kerneýli jerasty kabeli isten shyqqany belgili boldy.
Avarııalyq óshý kezinde uıashyq avtomatty túrde sónip, jerasty kabeli elektr qýatynan ajyratylǵan.
Bul 110/6 kV-tyq elektr kabeli oqıǵa bolǵan jerden ótedi.
Saǵat 22.47-de jaryqsyz qalǵan 10 móltekaýdanda rezervti jelilermen elektr qýaty qalpyna keldi.
Apattyq jaǵdaı bolǵan jerasty kabeli toqtan ajyratylyp, qaýipsiz jaǵdaıǵa keltirildi. Jóndeý jumystary jalǵasyp jatyr.
Eske sala keteıik, biz túnde Taraz qalasynda kúshti jarylys bolǵanyn habarlaǵan edik.
