Tarazda jazǵy spartakıada bastaldy

TARAZ. QazAqparat - Tarazda Qazaqstan Respýblıasynyń VІ jazǵy spartakıadasynyń saltanatty ashylý rásimi ótip jatyr, dep habarlaıdy QazAqparat tilshisi.

Saltanatty rásimge QR Mádenıet jáne sport mınıstri Ashat Oralov arnaıy keldi.

Іs-shara joǵary oqý oryndary jankúıer stýdentteriniń sherýimen bastaldy. Munan soń elimizdiń túkpir-túkpirinen kelgen sportshylar qurama komandalary ortaǵa shyqty.

Eske sala keteıik, Hanchjoýda ótetin HІH jazǵy Azııa oıyndarynyń jáne 2024 jyly Parıjde ótetin Olımpıada oıyndarynyń qarsańynda uıymdastyrylyp otyrǵan VI jazǵy spartakıada 2003 jyldan bastap ár 4 jyl saıyn jazǵy Olımpıada oıyndarynyń qarsańynda ótkiziledi.

Oıyndarǵa elimizdiń búkil óńirinen 27 sport túri boıynsha 10 myńnan asa sportshy qatysyp, baq synaıdy.

Munda grek-rım kúresi, áıelder kúresi, erkin kúres, taekvondo, ústel tennısi, trektegi velosıped sporty, semserlesý, sporttyq gımnastıka, batýt gımnastıkasy, boks (áıelder), basketbol (erler, áıelder), kórkem gımnastıka, voleıbol (erler,áıelder), dzıýdo (erler, áıelder), sý doby (erler, áıelder), qol doby (erler, áıelder), sadaq atý, baıdarka men kanoede esý, júzý, velosıped sporty (tas jol), jeńil atletıka, aýyr atletıka, oqpen atý, tennıs, trıatlon, stend atý, boks (erler) syndy sport túrlerinen júldeler sarapqa salynady.

Spartakıada baǵdarlamasyna enetin 27 sport túriniń 3 sport túri Taraz qalasynda ótedi.

Olar – sý doby (erler, áıelder), voleıbol (erler, áıelder) jáne dzıýdo (erler, áıelder).

Aıta keteıik, buǵan deıin Qazaqstannyń VI jazǵy spartakıadasynyń ashylý rásimi Tarazda ótetinin habarlaǵan bolatynbyz.