Tarazda taǵy 9 «aqyldy aıaldama» iske qosyldy
Aıta keteıik, Tarazda jaryqdıodty tsıfrlyq tablolardyń 10 danasy 2021 jyly ornatylǵan bolatyn.
«Bul joba qala turǵyndarynyń kóńilinen shyǵyp, jaqsy pikirler aıtylǵan soń, bıyl mamyr aıynan bastap qosymsha taǵy jańa 9 jaryqdıodty tsıfrlyq tablo iske qosyldy. Atap aıtsaq, Qazybek bı kóshesine – 2, T.Rysqulov kóshesindegi aıaldamalarǵa – 4, S.Seıfýllın kóshesine – 1, Tóle bı kóshesiniń boıyna – 1, «Qaıqarmet» bazary mańyna – 1 tablo ornatyldy», – dedi tsıfrlyq tehnologııalar basqarmasynyń basshysy Rýslan Noqrabekov jýrnalıstermen ótken brıfıngte.
Óńirlik kommýnıkatsııalar qyzmeti alańynda ótken brıfıngte basqarma basshysy sondaı-aq, eldi mekenderdiń ınternetpen qamtylýy, ІT akademııa, jolaqysyn tóleýdiń elektrondy júıesi jaıyna da toqtaldy.
Buǵan deıin 2025 jyldyń sońyna deıin Jambyl oblysyndaǵy barlyq eldi meken 4G baılanyspen qamtylatynyn habarlaǵan bolatynbyz.
Ortalyq kommýnıkatsııalar qyzmetindegi brıfngide óńirdiń áleýmettik-ekonomıkalyq damýyn baıandaǵan oblys ákimi Nurjan Nurjigitov tsıfrlandyrý baǵyty boıynsha atqarylyp jatqan jumystarǵa toqtaldy.