Tarazda marıhýana satýshy ustaldy

TARAZ. QazAqparat – Jambyldyq polıtseıler marıhýana satýshysyn ustady, dep habarlaıdy QazAqparat tilshisi.

Jambyl oblystyq polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri reıd barysynda Taraz qalasynyń aýmaǵynda marıhýana satqan 34 jastaǵy qala turǵynyn ustady. Esirtki satýshy tintý kezinde jalpy salmaǵy 1 keli 600 gramm «keptirilgen marıhýana» esirtki zaty tabylyp, tárkilendi.

«Ustalǵan azamat kinásin moıyndady, Taraz qalasynyń ýaqytsha ustaý ızolıatoryna qamaldy, oǵan qatysty Qazaqstan Respýblıkasynyń Qylmystyq kodeksiniń 296-baby 4-bóligi (Asa iri mólsherde esirtki zattaryn zańsyz saqtaý) jáne 297-baby1-bóligi (Esirtki zattaryn ótkizý maqsatynda zańsyz saqtaý) boıynsha sotqa deıingi tergeý amaldary bastaldy»,-delingen PD baspasóz qyzmetiniń habarlamasynda.