Tarazda kandıdattar belsendilermen bas qosty

JAMBYL OBLYSY. QazAqparat - Búgin «Nur Otan» partııasy Taraz qalalyq saılaýaldy shtabynyń músheleri shahardaǵy «Táýelsizdik» monýmentine gúl shoqtaryn qoıyp, azattyq jolynda janyn pıda etken erlerdiń rýhyna taǵzym etti. Sonymen qatar partııalyq tizim boıynsha Qazaqstan Respýblıkasynyń Májilisiniń jáne qalalyq máslıhattyń depýtattyǵyna kandıdattar jurtshylyqpen júzdesip, úgit-nasıhat jumystaryn júrgizdi. Kezdesý barysynda partııanyń Saılaýaldy baǵdarlamasy týraly jan-jaqty málimet berilip, aldaǵy saılaýdyń mán-mańyzy týraly aıtyldy.

«Ata-babalarymyzdyń arman-ańsary bolǵan azattyq- bizdiń baǵa jetpes baılyǵymyz. Sondyqtan da erkindik pen egemendikti kózdiń qarashyǵyndaı saqtap, memlekettiń irgetasyn nyǵaıtý-árbirimizdiń azamattyq paryzymyz bolýy tıis. Elbasy, «Nur Otan» partııasynyń Tóraǵasy Nursultan Ábishuly Nazarbaevtyń sarabdal saıasatynyń nátıjesinde elimiz damýdyń dańǵyl jolyna tústi. Endigi mindet-strategııalyq maqsattardy odan ary júıeli júzege asyrý. Bul turǵyda partııa aýqymdy Saılaýaldy baǵdarlama ázirlep otyr. Onda ómir súrý sapasyn arttyrýǵa baǵyttalǵan naqty mindetter qamtylǵan. Biz búgin partııa jaqtastarymen jáne qoǵam belsendilerimen kezdese otyryp, osyndaı ońdy bastamalar jóninde áńgime órbitýdemiz»,-deıdi «Nur Otan» partııasy Taraz qalalyq saılaýaldy shtabynyń tóraǵasy Batyrbek Qulekeev.

Júzdesý barysynda sóz alǵan Qazaqstan Respýblıkasy Májilisiniń depýtattyǵyna kandıdat Gýlam Ýmarov elimizdiń tatýlyq pen turaqtylyqtyń arqasynda kóptegen jetistikterge qol jetkizgenin aıta kelip, jınalǵan azamattardy saıası qurylymnyń baıandy bastamalaryn qoldaýǵa shaqyrdy.

«Nur Otan» partııasy Taraz qalalyq saılaý qorynyń qarajatynan tólendi