Tarazda esirtki nasıhattaıtyn saıttar buǵattaldy
Reıd kezinde Jambyl oblystyq Polıtsııa departamentiniń Esirtki qylmysyna qarsy is-qımyl basqarmasy jáne Taraz qalasynyń Polıtsııa basqarmasynyń jergilikti polıtsııa qyzmetiniń qyzmetkerleri úılerdiń qabyrǵalary men qorshaýlaryna esirtkini nasıhattaıtyn graffıt jazýlar jazǵan Taraz qalasynyń turǵynyn qolǵa túsirdi. Ustalǵan azamat kinásin moıyndap, jaýapkershilikke tartyldy. Bul týraly oblystyq Polıtsııa departamentiniń baspasóz qyzmetinen málim etti.
Shara aıasynda Tabylǵan jazýlar óshirildi, sıntetıkalyq esirtkini nasıhattaıtyn ınternet-saıttar buǵattaldy. Qala boıynsha 600-ge jýyq jazba joıyldy. Jambyl oblysynyń PD Esirtki qylmysyna qarsy is-qımyl basqarmasynyń qyzmetkerleri Taraz qalasynyń úıleri men ǵımarattarynyń qabyrǵalarynda graffıt jazýlardy alyptastaý boıynsha «Taraz Jasyl el» uıymyn tarta otyryp, júıeli túrde is-sharalar ótkizip turady», - delingen vedomstvo habarlamasynda.
Sondaı-aq, Polıtsııa departamenti oblys turǵyndaryn azamattardyń densaýlyǵyna qaýip tóndiretin esirtkiniń taralý problemasynan tys qalmaýǵa jáne onymen kúreste belsendi azamattyq ustanym tanytýǵa shaqyrdy.
