Tarazda erkin kúresten dástúrli halyqaralyq týrnır bastaldy
Tarazda memleket jáne qoǵam qaıratkeri Dinmuhamed Qonaevty eske túsirýge arnalǵan erkin kúresten dástúrli halyqaralyq týrnır bastaldy, dep habarlaıdy Kazinform.
Halyqaralyq týrnır úsh kúnge sozylady. Bıyl 10 elden kelgen 200-den asa aıtýly balýandar baq synaýda. Olardyń qatarynda AQSh, Ekvador, Qytaı, Slovakııa, Mońǵolııa, Grýzııa,Qyrǵyzstan, Tájikstan, Ózbekstan jáne qazaqstandyq balýandar bar.
AQSh-tan kelgen Djordan Barroýz alǵashqy aınalymda qazaqstandyq Erhan Beksultanovty jeńip ketti. Amerıkandyq balýan 2012 jylǵy London Olımpıadasynda chempıon atanǵan edi.
Oǵan qosa 6 dúrkin álem chempıony atanǵan bolatyn. Jastar arasynda Azııa chempıony atanǵan Erhan Beksultanov tájirıbeli qarsylasyna tegeýrindi qarsylyq kórsetti.
Týrnır úsh kúnge sozylady. Bul - Birikken kúres álemi jarystar ótikizý kúntizbesine engen qazaq jerindegi jalǵyz jáne biregeı iri týrnır.
El maqtanyshtary erkin kúresten qazaqtan shyqqan tuńǵysh Álem chempıony Rızabek Aıtmuhan bul týrnırǵa qurmetti qonaq retinde keldi. Aıta keteıik, byltyr ol atalǵan týrnırde úzdikter qatarynan tabylyp, kózge túsken bolatyn.
Eske salsaq, budan buryn Qazaqstan sportshylary taekvondodan Katarda ótken týrnırde 6 altyn medal jeńip aldy.
