Tarazda «Antikor ortalygy» ashyldy

TARAZ. QazAqparat - Tarazda «Antikor ortalygy» ashyldy, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

«Antikor ortalygy» – QR Prezıdenti Joldaýynda aıtylǵan «Halyq únine qulaq asatyn memleket» tujyrymdamasyn oryndaý maqsatynda júzege asyrylyp jatqan nysannyń biri.

«Bul ortalyq halyqtyń ashyq alańyna aınalyp qana qoımaı, elimizdiń básekege qabiletti elder qataryna qosylý baǵytynda úlken úlesin qosady degen senimdemiz», – dedi Sybaılas jemqorlyqqa qarsy is-qımyl agenttigi tóraǵasynyń orynbasary Nurlan Shabdar.

Іs-sharaǵa Jambyl oblysynyń ákimi Asqar Myrzahmetov, Sybaılas jemqorlyqqa qarsy is-qımyl agenttigi tóraǵasynyń orynbasary Nurlan Shabdar, oblystyq quqyq qorǵaý, memlekettik organdarynyń birinshi basshylary, qoǵam qaıratkerleri, memlekettik qyzmet ardagerleri, arnaıy monıtorıngi top músheleri, úkimettik emes uıymdardyń ókilderi qatysty.

Aıta ketý kerek, bul Qazaqstan boıynsha ashylǵan ortalyqtardyń on ekinshisi. Ortalyqta departamenttiń Preventsııa basqarmasynyń mamany jáne protsessýaldyq ofıtser ashyq formatta kúndelikti jumys atqarady. Sonymen qatar munda «Jambyl – adaldyq alańy» jobalyq keńsesi, arnaıy monıtorıng top jáne úgit-nasıhat shtaby múshelerine jumys orny qarastyrylǵan.

Sondaı-aq, buqaralyq aqparat quraldarymen tyǵyz qarym-qatynas jasaý maqsatynda ǵımaratta departamenttiń baspasóz ortalyǵy ornalastyrylǵan.