Tarazda 6 qazannan bastap jylý berile bastaıdy

TARAZ. KAZINFORM — Kelesi aptadan bastap oblys ortalyǵynda jylytý maýsymy bastalady. Aldymen jylý áleýmettik nysandarǵa beriledi, al shaharǵa 15 qazanǵa deıin tolyqtaıjylý beriledi dep josparlanǵan.

Jylýdy qosý týraly sheshim Taraz qalasynyń ákimi men energetıka salasynyń jetekshileri qatysqan qalalyq shtabtyń otyrysynda qabyldandy.

Birinshi kezeń 6 qazanda bastalady — úsh kún ishinde densaýlyq saqtaý, bilim berý jáne basqa da áleýmettik nysandarǵa jylý beriledi.

9-15 qazan aralyǵynda ekinshi kezeń ótedi: osy ýaqytta 1210 kópqabatty úı, jataqhanalar, qonaq úıler, ákimshilik ǵımarattar jáne basqa nysandar jylý júıesine qosylady.

— Tarazda jylý óndirý jáne tasymaldaýmen aınalysatyn bes kásiporyn jumys isteıdi. Jylý maýsymynda olar 1780 nysandy jylýmen qamtamasyz etedi. Barlyq ótinim bergen uıymdar daıyndyq pasportymen qamtamasyz etildi. Jylytý maýsymyna daıyndyq deńgeıi 100 paıyzdy quraıdy, — dep habarlady qala ákimdiginiń medıa ortalyǵy.

Buǵan deıin Jambyl oblysynda jylý qashan qosylatyny týraly habarlaǵan bolatynbyz.

Eske sala keteıik, 1 qazan kúni Tarazda alǵashqy qar jaýǵan edi.