Tarazda 6 qarýly qylmysker óltirildi
TARAZ. QazAqparat – Taraz qalasynda alty qarýly qylmysker óltirildi, dep habarlaıdy QazAqparat.
Jambyl oblysy jedel shtabynyń málimetinshe, 69 arandatýshy ustaldy, birqatar lańkestik aktiniń aldy alynǵan, 6 qarýly qylmysker óltirildi. Quqyq qorǵaý organdarynyń bes qyzmetkeri jaraqat aldy, 100-den astam qyzmettik kólik búlindi. Oblys ortalyǵynda 11 blok post qoıyldy. Sońǵy táýlik ishinde qaskúnemder blok posttarǵa 4 ret shabýyl jasaǵan. Qarýly toptar múshelerin anıaqtaý jáne ustaý operatsııalary jalǵasýda. Buǵan polıtsııa, UQK, «Ońtústik» aımaqtyq komandovanıesiniń 2 myńnan astam qyzmetkeri men áskerıler, sondaı-aq 100-den astam tehnıka birligi jumyldyryldy.
