Taraz mektebinde órt shyǵyp, 5 adam zardap shekti

Tarazda qurylys jumystary júrip jatqan mektepte órt shyǵyp, saldarynan 5 qurylysshy zardap shekti, dep habarlaıdy QazAqparat tilshisi.

Jambyl oblysy Tótenshe jaǵdaılar departamenti baspasóz qyzmetiniń málimetinshe, 17 qyrkúıek kúni saǵat 00:32 shamasynda úsh qabatty №44 orta mekteptiń 3-shi qabatynda ot tutandy.

«Órt aýmaǵy 20 sharshy metrdi qurady. 6 maýsymnan bastap bul mekteptiń bir blogynda jóndeý jumystary júrgizilip jatqan. Jalyn tolyǵymen sóndirildi», – dep habarlady vedomstvo.

Oqıǵa saldarynan bes adam túrli jaraqatpen aýrýhanaǵa jetkizildi. Qurylysshylardyń tórteýi 37, 23 jáne 22 jastaǵy áıelder, bireýi er adam – 26 jasta.

Órttiń shyǵý sebebi anyqtalyp jatyr.

Oblystyq Bilim basqarmasynyń málimetinshe, óńir ortalyǵyndaǵy 7 mektepte qurylys-jóndeý jumystary áli jalǵasyp jatyr.