Taraz qalasynyń bas jospary ózgerýi múmkin
Jambyl oblysy ortalyǵynyń bas josparyna túzetý engizilgen jaǵdaıda Jambyl jáne Baızaq aýdandaryna qarasty 14 eldi mekennen aýmaǵy 11755 gektar jer men 44 551 adam qalaǵa qosylady. Sol kezde qala halqynyń sany 408 235 quraıtyn bolady. Bas josparǵa sáıkes qala aýmaǵy 30 542 gektarǵa ulǵaıady.
«Іrgedegi 2 aýdannan qalaǵa enetin 14 aýylǵa shyǵyp, tolyqqandy zerdeledik. Baızaq aýdanyndaǵy 3 eldi mekennen 11 269 adam qalanyń quramyna ense, Jambyl aýdanynan 6 aýyldyq okrýgke qarasty 11 eldi meken (33282 adam) qalanyń quramyna qosylady. Osyǵan baılanysty bas josparda ákimshilik shekara men qalany eki ákimshilik aýdanǵa bólý usynyldy, shartty túrde - Soltústik jáne Ońtústik», - dep atap ótti qala ákimi Erjan Jylqybaev.
Aıta keteık oblys jáne qalanyń árbir turǵyny Y.Dúkenuly atyndaǵy mádenıet úıiniń ǵımaratynda eki apta boıy ornalasatyn jobadaǵy bas josparmen tanysyp, óz usynystary men tilekterin jazbasha túrde qaldyra alady. Ár usynys hattamaǵa engizilip, zerdelenetin bolady.
Foto: Taraz qalasynyń ákimdigi