Taraz qalalyq sotynyń tóraǵasy sottaldy

TARAZ. QazAqparat – Jemqorlyq qylmys jasaǵany úshin Taraz qalalyq sotynyń tóraǵasy sottaldy, dep habarlaıdy QazAqparat Antıkorǵa silteme jasap.

«Taraz qalasynyń №2 sotynyń úkimimen Jambyl oblysy Taraz qalalyq sotynyń tóraǵasy A. Mademarov jemqorlyq qylmys jasaǵany úshin kináli dep tanylyp, 3 jylǵa bas bostandyǵynan aıyryldy.

Sondaı-aq, A. Mademarov ómir boıy memlekettik qyzmette qyzmet atqarý quqyǵynan aıryldy.

Sottalýshy satyp alý-satý mámilesin jáne menshik quqyǵyn jaramdy dep taný týraly azamattyq is boıynsha oń sheshimge járdemdeskeni úshin azamattan aldaý jolymen 1 mıllıon teńge mólsherinde aqshalaı qarajat aldy», - delingen resmı málimdemede.