Talǵardaǵy qylmys: kúdikti ustalyp, bala anasymen qaýyshty
QONAEV. KAZINFORM — Almaty oblysynyń polıtsııa departamenti Talǵardaǵy atys pen bala urlaý isine qatysty tyń málimet taratty.
Quqyq qorǵaý organdarynyń habarlaýynsha, kúdikti kóp uzamaı qolǵa túsip, odan atys qarýy tárkilendi.
Keıinirek Іshki ister mınıstrligi polıtsııanyń arnaıy jasaǵy kámelet jasqa tolmaǵan balany qutqarý operatsııasyn sátti júrgizgenin habarlady. Qutqarylǵan qyz anasyna tapsyryldy. Dárigerler onyń densaýlyǵyn tekserip jatyr.
Almaty oblysy Polıtsııa departamenti qylmys jasaǵan adamnyń ýaqytsha ustaý ızolıatoryna qamalǵanyn habarlady.
Qazaqstan Respýblıkasynyń ІІM oqıǵanyń tolyq mán-jaıy boıynsha tergeý áli de jalǵasyp jatqanyn málimdedi.
Qazirgi kezde er adamdy óltirý jáne balany urlaý faktileri boıynsha qylmystyq is qozǵaldy.
Eske sala keteıik, buǵan deıin Talǵarda beıtanys adam er azamatty atyp, qyzyn alyp ketkeni týraly habarlaǵan edik.
