Talǵarda probatsııalyq baqylaýdy buzǵandarǵa úkim shyqty

QONAEV.KAZINFORM — Talǵar qalasynda «Profılaktıka 365: zań buzýshylyqqa birlese qarsy turý» jobasy aıasynda ashyq sot otyrys ótti.

Qaıta qylmystyq quqyq buzýshylyqtardyń aldyn alý aıasynda aýdan prokýratýrasy, sot jáne probatsııa qyzmeti Talǵar qalasynyń Mádenıet úıinde probatsııa esebinde turǵan jáne shartty túrde merziminen buryn bosatylǵan 200-den astam adamnyń qatysýymen sot protsesterin uıymdastyrdy.

Talǵar aýdandyq sotynyń qaýlysymen probatsııalyq baqylaýdy qasaqana buzǵan eki V. jáne A. orta qaýipsizdik mekemelerine ótelmegen merziminiń bir bóligin óteýge jiberildi. Sot buryn ​olarǵa urlyq pen tonaý isi úshin bas bostandyǵyn shekteý týraly úkim shyǵarǵan.

«Úıde túngi ýaqytta bolý túrindegi zańnamalyq shekteýlerge, oıyn-saýyq mekemelerine barýǵa jáne probatsııa qyzmetine eskertýsiz aýdan aýmaǵynan shyǵýǵa tyıym salynǵanyna qaramastan, atalǵan adamdar basqa óńirlerde, sonyń ishinde túngi ýaqytta da zańdy birneshe ret buzǵan», — dep habarlady oblystyq prokýratýra.
​
Eske salaıyq, buǵan deıin Almaty oblysynda alımentke 2,7 mln qaryz azamat qamaýǵa alynǵanyn jazǵanbyz.