Taldyqorǵanda eki áıel elektr samokattaryn urlaǵan
24 sáýirde Taldyqorǵan qalasynyń polıtseılerine jergilikti kásipkerlerdiń biri habarlasyp, eki elektr samokaty urlanǵanyn aıtqan. Er adamnyń júzden astam samokaty bar. Olardy turǵyndar qalanyń bir núktesinen ekinshi núktesine jetý úshin jalǵa alady. Transporttyń árqaısysynda JPS jáne tólem jasalatyn arnaıy baǵdarlama ornatylǵan.
«Samokattar qalanyń ár jerinde urlanǵan. Keltirilgen zalal 850 myń teńgeni qurady. Jedel qyzmetkerler men patrýldik polıtseıler qoldy bolǵan kólikti birneshe saǵatta taýyp, zańdy ıesine qaıtardy. Kúdikti retinde 34 jáne 42 jastaǵy eki áıel ustaldy. Olardyń biri oblys ortalyǵynda, ekinshisi jaqyn ornalasqan eldi mekende turady», – delingen Jetisý oblystyq Polıtsııa departamenti baspasóz qyzmetiniń habarlamasynda.
Atalǵan fakti boıynsha QR Qylmystyq kodeksiniń 188-babymen (Urlyq) tergeý bastaldy. Ustalǵandarǵa qatysty «kelý týraly mindetteme» bultartpaý sharasy tańdaldy.
