Taldyqorǵandaǵy jer silkinisi: ǵımarattar zaqymdanbaǵan
ASTANA. KAZINFORM – TJM «Qazseldenqorǵaý» MM mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zertteý boıynsha monıtorıng júrgizdi.
Sondaı-aq, tirshilikti qamtamasyz etý nysandaryn aralap, tekserý jumystaryn júrgizdi.
— Tekserý nátıjeleri boıynsha zaqymdaný tabylǵan joq, qazirgi ýaqytta atalǵan obektiler shtattyq rejımde jumys isteıdi. Qıraýlar men zardap shekkender týraly málimet túsken joq. Jaǵdaı turaqty, — delingen TJM habarlamasynda.
Taldyqorǵan mańynda tirkelgen jer silkinisine baılanysty Jetisý oblysy TJD turǵyndarǵa arnalǵan jedel jelini iske qosty.
Mamandar kelesi nómir arqyly keńes berýge jáne suraqtaryńyzǵa jaýap berýge daıyn: 8 (7282) 32-44-36.
TJM jedel qyzmetteri jergilikti atqarýshy organdardy, polıtsııany jáne basqa da beıindi qyzmetterdi habardar etti.
Aıta ketelik búgin Astana ýaqyty boıynsha saǵat 16:01 mınýtta Taldyqorǵan mańynda jer silkingen edi.
TJM málimetinshe jer silkinisi Taldyqorǵan qalasyda — 4.0 ball, Balpyq-Bı aýylynda — 4.0 ball, Qarabulaq kenti — 3.0 ball, Úshtóbe qalasynda — 3.0 ball, Tekelı qalasynda — 2.0 ball, Saryózek aýylynda — 2.0 ball bolǵan.