Taǵy eki qosymsha poıyz iske qosyldy

NUR-SULTAN. QazAqparat - Suranystyń artýyna baılanysty ulttyq tasymaldaýshy Almatydan Aqtóbe jáne Nur-Sultan baǵyty boıynsha qosymsha eki kommertsııalyq jolaýshylar poıyzyn iske qosady, dep habarlaıdy QazAqparat.

- №213/214 poıyzy Almaty-2 stantsııasynan 2022 jyldyń 9 qańtarynda saǵat 12.55-te jóneltilip, 11 qańtarda saǵat 07.25-te Aqtóbe qalasyna keledi. Poıyz Aqtóbeden Almatyǵa 11 qańtarda saǵat 19.05-te jolǵa shyǵady.;

- №215/216 poıyzy Almaty-2 stantsııasynan 2022 jylǵy 9 qańtarda saǵat 13.30-da jolǵa shyǵady. Poıyz Nur-Sultan-1 vokzalyna 10 qańtarda saǵat 11.35-te keledi. Dál osy poıyz Nur-Sultan qalasynan Almatyǵa erteń, 10 qańtarda saǵat 16.20-da shyǵady.

Poıyzdardyń qozǵalysy qalpyna keltirilgenin eske salamyz. Barlyq jolaýshylar poıyzdary keste boıynsha júredi.

Buǵan deıin Almatydan Nur-Sultan jáne Atyraýǵa qosymsha 3 poıyz iske qosylǵandyǵy týraly habarlandy.