Taǵy eki eldimekende órttiń jańa oshaǵy tabyldy – TJM

ASTANA. QazAqparat – Tótenshe jaǵdaılar mınıstrligi Semeı ormanyndaǵy alapat órtpen kúres jumystary boıynsha sońǵy málimetti bólisti, dep habarlaıdy QazAqparat tilshisi

«Búgin tikushaqpen barlaý nátıjesinde jaǵdaıdyń turaqtalǵanyn kórdik. Biraq eki eldimekende órttiń jańa oshaǵy anyqtaldy. Onymen kúreske jeke quram men búkil tehnıka jumyldyryldy. Sonymen qatar, tikushaqpen sý shashý jumysy júıeli túrde uıymdastyrylyp jatyr», - deıdi TJM órtke qarsy qyzmet komıtetiniń tóraǵasy Nurbolat Derbisov.

Onyń aıtýynsha, keshe jáne aldyńǵy kúnge qaraǵanda jel kúsheıip ketti.

«Qattyń jelden baıaý janyp jatqan órt oshaqtarynnyń qaıta kúsheıý qaýpi bar. Bar kúsh jumyldyrylyp jatyr, jaǵdaı baqylaýda», - deıdi TJM ókili.

Prezıdent Abaı oblysynda órtengen orman alqabyn tikushaqpen aralap shyqty.

Aıta keteıik, Memleket basshysy 12 maýsymdy jalpyulttyq aza tutý kúni dep jarııalady.