Sý tasqyny: BQO-da 100-den astam adam úılerine oralyp jatyr
BQO TJ departamentiniń baspasóz qyzmetinen málim etkenindeı, ótken táýlikte Bórli aýdany Keńtúbek aýylynda úsh úıdiń kireberisine sý kirgen. Sý birden sorylǵan.
Keńtúbekten 14, «Sem» sovhozy» eldi mekeninen 1 adam evakýatsııalandy.
Oral qalasynda «ıAgodka» saıajaı qoǵamynda aldyn ala habarlanǵandyqtan, 15 adam týystarynyń úıine ketken.
Departament bastyǵynyń orynbasary Qanat Dospaevtyń sózine qaraǵanda, Oral qalasy men Bórli, Qaratóbe, Shyńǵyrlaý, Syrym, Kaztalov jáne Báıterek aýdandarynda ınertti materıal salynǵan qaptar tóseý jumystary jalǵasýda. Kesheden beri 6 myńǵa jýyq qap tóseldi, 84 myńǵa jýyq tekshe metr sý soryldy.
«Sý tasqyny bastalǵannan beri oblys boıynsha ınertti materıal salynǵan 32 myń qap tóseldi, 420 myń tekshe metr sý soryldy. Tartylǵan kúsh-quraldardyń jedel is-qımyly arqasynda buryn sý basqan 57 turǵyn úıden sý sorý jumystary aıaqtalýda. 100-den astam adam óz úılerine oralýda. Buryn evakýatsııalanǵan 188 adam týystarynyń úılerinde. Jaǵdaı turaqty baqylaýda. Sonymen qatar sý tasqyny saldaryn joıý jumystary Oralda 20 saıajaı aýmaǵynda júrgizilýde», - dedi Qanat Dospaev.
Ótken táýlikte Syrym, Qaratóbe jáne Shyńǵyrlaý aýdandarynda jaǵdaı turaqtandy, kúshter men quraldar basqa ýchaskelerge jiberilýde.
Qazirgi ýaqytta Oral qalasy aýmaǵynda ornalasqan Derkól jáne Shaǵan ózenderi arnalaryndaǵy sý deńgeıine monıtorıng júrgizilýde. 11 baqylaý gıdrobeketi qoıyldy, olardyń kórsetkishteri boıynsha jedel sheshimder qabyldanýda.
Eske sala keteıik, budan buryn BQO-nyń Qaratóbe aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Batys Qazaqstanda 50-den astam turǵyn úı sýda qalyp qoıdy.
Tótenshe jaǵdaı jarııalanǵan Kaztalov aýdanynda qaýip seıilgen joq.
BQO-da kólik qatynasy úzilgen aýyldardan 11 júkti áıel shyǵaryldy.
Batys Qazaqstanda 100-den astam kıik sýdan shyǵaryldy.